އެމެރިކާގެ ރިޔާސީ އިންތިހާބު: އަދި ކުރީގައި އޮތީ ޓްރަމްޕް

އެމެރިކާގެ ރިޔާސީ އިންތިހާބުގެ ވޯޓަށް ފަހު ނަތީޖާތައް ލިބެމުން ދާއިރު މިހާތަނަށް ސާފުކުރި ނަތީޖާއިން ކުރީގެ ރައީސް ޑޮނަލްޑް ޓްރަމްޕަށް ކުރި ލިބިއްޖެ އެވެ. އެކަމަކު ނަތީޖާ ބަދަލުވާ ބޮޑެތި ސްޓޭޓްތަކުގެ ވޯޓަށް ވާނެ ގޮތެއް އަދި ނޭނގޭތީ ނަތީޖާ ކޮންމެ ގޮތަކަށް ވެސް އެނބުރިދާނެ އެވެ.

ޓްރަމްޕް މިހާތަނަށް ވަނީ 20 ސްޓޭޓަކުން ކާމިޔާބުކުރައްވައިފަ އެވެ. އޭގެ ތެރޭގައި ޓެކްސަސް އާއި އޮހާޔޯ ފަދަ ސްޓޭޓްތައް ހިމެނެ އެވެ. ކަމަލާއަށް ނުވަ ސްޓޭޓަކުން ކުރި ލިބިވަޑައިގެންފައިވެ އެވެ. އެއީ ކޮލަރާޑޯ، ޑެލަވެއާ، އިލިނޯއި، މެރީލޭންޑް، މެސެޝޫސެޓްސް، ނިއު ޔޯކް، ރޯޑް އައިލެންޑް، ވާމަންޓް، އެރިޒޯނާ އަދި ކެޕިޓަލް ސިޓީ ވޮޝިންޓަން ހިމެނެ އެވެ.

އިންތިހާބު ކާމިޔާބުވާނީ 538 އިލެކްޓޮރަލް ވޯޓުގެ ތެރެއިން 270 ލިބިގެންނެވެ.